lunes, abril 09, 2007

De Solomonum Insularum tsunami

Die Solis in Europa declinante Solomones Insulae, quae in medio Pacifico Oceano sunt, post ingentem terrae motum in medio aequore factum tsunami creatis vehementibus undis percussae sunt: nonnulli vici inundati esse narrantur, item maxima urbs Gizo appellata, cuius plerique cives ut piscatores vitam agunt. Magister quidam puerorum, a diurnariis Britannicis interrogatus, omnes ad vitam suam servandam cucurrisse, domos suas conversos dirutas aspexisse, aedificia nonnulla terrae motu ipso affecta esse dixit; aquam potui aptam et medicorum curationem omnino deesse. Plerique Solomonum Insularum incolae in ligneis et harundineis casis vitam agunt... Ephemeris.

No hay comentarios: